خاطرة لؤي
ليشوكت الوكت يذبح بينا ليشوكت الدموع تنهال
مو مشى بينا الزمن والشيب على الجبين مال
ناس كاتلها العطش وناس الدمع منها سيال
ناس تفرح وتغتني وناس صبرها هز جبال
ناس صبرت وناس نامت وناس كاتلها السهر والليالي الطوال
ناس تمشي على الجمر وناس تتفنن بلبس الغترة والعكال
ناس تدور على كرصت خبز وناس فضلات اكلها توكل الالاف الاطفال
ناس تدور على الستر وناس انتهك عرضها من اجل المال
لوبيدي اكتب طول العمر لان بقلبي حجي يكفي لاسنين طوال
بقلبي حجي يعجب ناس وناس تكول حجيك ماينكال
هذا واقع العراق كله المجرم بي صار قائد والشريف مايوصل محال
الحكومة تبوك وتهب بالبلد علاوي والجعفري والمالكي ابن النعال
خلص دم الشعب كافي مو خلص دم الشهيد اليسوة الالاف الرجال
وانتوا الشهيد عندكم بس اسم ماتدرون حتى من السماء دموع عليه تنسال
بالكم وبال النفط والشعب يموت بحسرته مايهمكم من حجه وكال
الله ينتقم منكم يتمتم ثلث العراق والثلثين ثلث خوف وتهديد وذبح والباقي ثلث خليتا لتسول الاطفال
المؤلف: لؤي الجزراوي
السبت يوليو 03, 2010 6:19 pm
مع تحياتي 