!!.. حينما تتوهق بكل مآتعنيه الكلمة .. ][ مآلك ألا تسوي كذآ ][ ..!!

.. السلآم عليكم ورحمة الله وبركاته ..

مــســآء / صبــآح
الشاهي اللذي يخالطه نوع من النوم
.
.
.
-------------------


أخ .. أخ .. أخ .. أخ .. أخبآر أخبآركووو
شح .. شح .. شح .. شح .. شحوآل أحوآلكم
عل .. عل .. عل .. عل .. على شحم يالطيب

كيف حالكم عساك منيحين
اليوم مسكت معي غلط بعد صلآة الجمعة أكتب لكم موضوع


نبدأ بالموضوع <== من صنع أيديآ وحياة عينيآ
من تأليفي وتحشيشي وأسألك بالله يآأعضاء المنتديات الأخرى
اللي بيآخذ الموضوع يكتب منقول .. ألا هل بلغت اللهم فأشهد .. معلوم صديق ؟؟



بالأمس الخميس وأنا جالس في غرفتي
وأفكر مع نفسي ونفسي تقول فكني منك أنت ووجهك وجه تفكير
<=== حتى نفسي تذب علي .. آآلشرهه علي اللي معطيها وجه افكر معها

المهم وبينمآ أفكر وأعاتب نفسي
ألى متى يآحسو تذبح القطآوة في الحارة .. يآخي حرام عليك
أنت مآسمعت بالقطوة اللي أنذبحت وجننت اللي ذبحها
كل شوي تطلع له في الحلم تخنقه وأذا صحى من النوم يلقى وجهه مشخمط ؟؟
يآخي تووب تووب تووب
وعلى طآري تووب .. تذكرت سنتوووب خليته في الثلاجة
ورحت قلت بلحق عليه قبل يجي أخوي اللي يآكل الأخضر واليابس

وعندما نزلت للصالة فأذا بأبوي فآتح باب الصاله <== جاي من برآ ومعه كرتون كوسه
وأنا تعديت من جنبه ورحت للمطبخ ولقيت السنتوب وقعدت أشرب رشفة منه
وأذا بأبوي ينادي :- حسوو حسوو حساحيس قلبي أنت

وأنا اللي أخق في الدلع وأشرب وأنا أرتعش جتني قشعريرة
مآأقدر أسيطر على نفسي شعور مدري كيف أوصفه لكم

وأذا بأبوي يكرر :- حسو حبيب قلبي حبيب أبوهـ رد علي
وأنا خلآص رحت تيت في قوطي فليت .. مــت من القشعريرة (( أول مرة أحد يدلعني ))
وأستمريت في الأنتفاض ومو مصدق أحد يناديني كذآ

وشوي ألا كرتون الكوسه جايني طآير مخترق الصفوف يقول وين جبهة حسو بس
ومآمحطت الا في نص ظهري ومن قوة الضربه بلعت السنتووب بكرتونه

وأبوي يصآرخ :- حسو يآثور يآمال السوسه اللي تنخر لك ضرسك .. أناديك مآتسمعني أنت
أنــآ :- هــااااه جآيك جآيك <== مآينفع معه ألا العين الحمرآء

والله وأروح له :- سم يالغلا <== أسلك له عشان مآيطسني كف
أبــوي :- قم روح جيب الأسطوآنة شوفها في السيارة في الشنطة بسرعه بيسوون العشاء

وانا اللي أنزل وأمسح في وجهي (( يعني أفلقني أذا جبتها ))
ملآحظة :- شقتنا في الدور الثالث يعني يآأنت بتاكل هــوآ لين تطلعها فووق

طبعا أنا دايم يقول لي أبوي روح جيب الأسطوآنة
ومآجيبها .. لآ أعطي كومار سوآقنا ريالين وهو يطلعها
<== يبي ييقولكم أن عندهم سوآق

الوكآد وأنزل أدور كومار منا ومنا مآآآش مآلقيته
لآ والله الورررررررررررطة وين طس هذآ .. كومآر يآكومار يآحمآر
مآيرد علي مررررة مدري وش فيه

قآلت نفسي لي يآولد أنت تسب الرجال وتبيه يرد عليك .. وش حمار أنت ووجهك
قلت طيب نبي نمدحه ونشوووف ترآ يجي

كومآآآر يآكومآآآر يآحلو يآقلبي أنت يآبعد طوآيف هلي
يآثووور يآتبن الشرهه على اللي يمدحك

مآيرد نهائيا وأروح لغرفة وأرفس الباب برجلي نآويه ليش مآيرد علي
ولكن تفآجأت أنه مو موجووود نهائيا
يآولد وش الهرجة وين طس هذآ

طبعا أنا مآفكرت فيه .. لك يسطفل في ستين داهية
بس الأسطوآنة من اللي يشيلها للدور الثالث
<== شآيل همها ههههههههههه

الوكآد أن كومار أختفى تقولون بلعته الأرض يآوجه الله
هذآ وقتك يآكومار تختفي جعلك الشآحنة تنتفك مع أقرب لفه <== حاقد عليه

والله تبون الصرآحة توهقت مو بيدي والله
يآخي أسطوآنة تشيلها للدور الثالث مع الدرج <= تكسر ضهرك

وأطلع للشآرع أدور لي هندي ثآني وألا شي
لكن كلهم عيال اللذين أعطيهم قروش ويرفضون <== مآعاد تكفيهم ريالين

وأبوي يتصل علي يقول وينك يآ.......... سرعه جيب الأسطوآنة بيسون لي قهوة
قلت دقيقة يآشيخ .. بس كومآر يبغاني أعلمه كيف يسجل هدف بالركبة <== أوم الترقيع

وأسكر المكآلمة وأدور هندي وأنا مرة العرق يصبصب
لكن والله شبعوآ الهنود يلعن شيآطينهم

وشوي كذآ طلعت لمبة فوق رآسي مولعه <== يعني جتني فكرة
ويوم جيت بقرآ الفكرة ألا وفيه ورع رآمي علي حصآه وتصفق في اللمبة اللي فوق رآسي
وتطفي اللمبة وتطير الفكرة .. الله من النحاسه
وأنا اللي أعض برآطمي من القهر وأروح أترفس في بطن الورع

يقطع شكله أنا مآصدقت على الله تولع اللمبة وتجي الفكرة وهذآ بكل برود يكسرها
لآبارك الله في أبليسه

وأخذ اللمبة وأروح لأقرب كهربائي
يآولد تكفى سوي اللمبة أشتغلت وجابت فكرة وجاء ورع كسرها
ويمسكها الكهربآئي ويغير الفيوز حقها وأركبها فوق رآسي وألا وأشتغلت

وأسعى لدورة المياه عشان أسكر علي وأقرآ الفكرة ومآحد يزعجني ولآشي
ومن العجلة قآبلوني قطآوة يتطآردون ويخشون من بين رجولي
ويختل توآزني وأدبج على خشتي وتنكسر اللمبة <== آآآآخ يالقهر

<== والله لو طلعت الأسطوآنة يمديني خلصت من اليوم

وأنا اللي أمسك اللمبة وأرجع للكهربآئي وألفع بها وجهه
لآبووووك لآبوووو اللي يجي يسوي عندك لمبة <= مع أنه مآله ذنب بس مسكت أحط حرتي فيه
والكهربآئي أنهبل مآيدري وش الهرجة .. وسوى نفسه يصلي

وارجع للبيت قلت رآفع رآية الأستسلام خلآص بتحمل عذاب الأسطوآنة وأشيلها
وأنا في طريقي لقيت خويي أبو شآكوش <== تذكروونه قديم صح خخخخ

ابو شآكوش :- مآلك يآحسو شآيلن الدنيا على رآسك <== يتفرج الزير سالم كثير
انــآ :- والله يآخوك وضعت في موقف محرج
ابو شآكوش :- ويحك ماللذي تتمتم به يآوغد <= مآكأنه مصخها ؟؟
انــآ :- يآولد في أسطوآنة أسفل وأبوي يقول طلعها للشقة
ومثل مآأنت عارف شقتنا في الدور الثالث يعني بتكسر ضهرك لو طلعتها
أبو شآكوش :- يآلك من أحمق وغبي أي بني آدمي أنت .. الحل سهل
أنــآ :- ألحقني تكفى لي ساعتين أدوج في الشوآرع أدور حل
أبو شآكوش :- مآيبيلها تفكير .. نزل الفرن أسفـــل ؟؟

وأنا اللي أبوووسه وأرميه في السمآء وأمسكه وأعطيه الريالين

وأروح للشقة وأنزل الفرن بالقوة ومع الدرج لين نزلته أسفل
وأخيرآ أرتحت من الأسطوآنة أهم شي مآطلعها للدور الثالث
<== أقووول طس أنت ووجهك لو شآيل الأسطوآنة أخف لك من الفرن



وتووووته تووووته خلصة التحشيشة
أتمنى تتقبلون مصآلتي .. وأذا مآعجبتكم جآملوني


~~~~~~~~~~~~~~~~~~~~~~~~~~~~~~~~~~~~~~~~~

~} نكتة اليوم {~

فيه محشش حكموآ عليه بالأعدآم .. قآلو وش آخر أمنيه تتمناها قبل تموت ؟؟
قآل :- أتمنى تكون لي درس في المستقبل

~~~~~~~~~~~~~~~~~~~~~~~~~~~~~~~~~~~~~~~~~

~} ومضة اليوم {~

قآلت بحبك يآمذوبني .. قلت وأنا بحبك بس بطآقة سوآ مافيش





هذآ مآجادت به نفسي لهذا اليوم
على أمل الجودة في أيام أخرى وشكرن
طووووط .. طووووط .. طووووط


خلاص وش تبغون
الله لآيهينكم ردوآ وكل وآحد على بيته
<= ترآ مآلي دخل لو ينخطف أحد



تحياتي