موتني يا هالناس مشاني حافي
اثول حبيب الروح من الابي طافي
اثول حبيب الروح واكف دماغه
تصنيعه مال الصين وكله باغه
اثول حبيب الروح عطلان مخه
يصرخ يلم الناس لو بس اطخه
اثول حبيب الروح ما يفتهمني
لو كارثه تلاكيه هم يتهمني
اثول حبيب الروح اصلا معوق
احجيله حبيات يكلي اني اشوق
ثول حبيب الروح احول مطفي
كابلني عين بعين بحضن البصفي
اثول حبيب الروح عنده غباوه
فوكاهه احجي وياه يرد بفهاوه
اثول حبيب الروح عقله مشوش
ارفع الهاند بريك الكاه مبوش
اثول حبيب الروح ما عنده تفكير
اتغازل اني وياه يكلي متطير
اثول حبيب الروح بيه صفنه ازمال
يام شامه اغني وياه يجرلي موال
اثول حبيب الروح مشكلتة اثول
اكلة انتة زمال يكلي اني احول
____________
السبت يوليو 03, 2010 12:49 pm