افتحهة عد تاليهة

خالة وين الكيمر ناوشيني خبزة .... ناوشيني يالايد مترصعة بدكة
مشتاك لخبز تنورج الطين ..... ويا ابو علاء كلي جايك شحكة
جنت اسولف بيك يا بلد ..... صرنة باوربا منشرب بطل من حلكة
جا ولك كلة كصب ..... و يحجيلك ابكتريا و و التلوث البيهة

كبل بالسوك نتمشة وية سيان .... نتأفأف علة الوضع وريحة مجاري
يالغربة خلتنة نشتاك لريحتة ......و ما نحب الماي الصافي و جاري
عفية غرب محد يسأل عن اللاخ ..... لا والله حتة سالوني ما اعرف من هوة جاري
شبلانة بيك يالغرب مدري شلون ..... ركبت مخي و سبحانة بحكمتة و شلون مشيهة

بمشيئة عفت الهندسة و ركضت للمطاعم..... منا غسل صحون ومنا زلاطة
راحت ايدي من فرم الكرفس ..... و مشكت ايدي بماي الطماطة
صرت احد سجيني بمبرد سجاجين .....بدل ما اقط قلم مشروعي بمقطاطة
اي هم عدل هذا يا ربي ...... و ادري بيك عبادك متنسيهة

النوب فرحنة كلنة جمعنة دفتر ..... تالي صعد الدولار و بعدني ممصرف
لك شنو هالحظ الفكر ..... الزم ذهب تراب يتصرف
دخيلك ربي حلهة دبرلي وسيلة ......اشوف بيهة دربي دا عرف اتصرف
ارجع لبغداد لا بيت و لا اهل ...... متهجولين بسوريا باوضاع تدريهة

تالي متالي جني منتهي ...... خبال رسمي و نهايتي انتحر
عايف حبي ابغداد ....... قمر لا والله شمس ناطرتني علة جمر
ما رايد خضار ولا جنة ...... و لا رايد مترو ولا اقامة ولا بحر
افتحهة عد يا ربي ..... افتحهة عد تاليهة

افتحهة عد يا ربي افتحهة عد تاليهة